PANDAអាចជួយបាន។ ទូរស័ព្ទនិយាយអំពីខ្លួនអ្នកផ្ទាល់ ឬនរណាម្នាក់ដែលអ្នកស្គាល់។
ជាឪពុកម្តាយថ្មី ឬឪពុកម្តាយទារកហៀបនឹងកើតមកឬ? ព្រួយបារម្ភពីរបៀបដែលអ្នកកំពុងមានអារម្មណ៍ឬ?
បញ្ជីត្រួតពិនិត្យសុខភាពផ្លូវចិត្ត
បញ្ជីត្រួតពិនិត្យសុខភាពផ្លូវចិត្ត
បញ្ជីត្រួតពិនិត្យនេះសួរសំណួមួយចំនួនដែលអាចជួយអ្នកឱ្យយល់ដឹងបានកាន់តែប្រសើរអំពីរបៀបដែលអ្នកកំពុងមានអារម្មណ៍ ហើយថាតើអ្នកអាចទទួលបានផលប្រយោជន៍ពីការគាំទ្របន្ថែមឬអត់ ជាមួយនឹងសុខុមាភាពផ្លូវចិត្តរបស់អ្នក។
អំពី PANDA
PANDA គ្រប់គ្រងប្រតិបត្តិការខ្សែទូរស័ព្ទជំនួយថ្នាក់ជាតិនៃអ្នកឯកទេស របស់ប្រទេសអូស្រ្តាលីតែមួយគត់ សម្រាប់ប្រជាជនដែលរងផលប៉ះពាល់ដោយការថប់បារម្ភ ការធ្លាក់ទឹកចិត្ត នៅមុនពេល និងក្រោយពេល គ្រប់ខែភ្លាម និងជំងឺផ្លូវចិត្តក្រោយពេលសម្រាលទារករួច និងសម្រាប់អស់អ្នកដែលជួបប្រទះបញ្ហាប្រឈមនានាក្នុងការក្លាយជាឪពុកម្តាយ។
យើងក៏លើកកម្ពស់ការយល់ដឹងអំពីជំងឺធ្ងន់ធ្ងរ និងទូទៅនេះផងដែរ ដើម្បីឱ្យអ្នកដែលរងផលប៉ះពាល់ទាំងនោះ អាចយល់ដឹងពីអ្វីដែលកំពុងកើតឡើងចំពោះពួកគេ ហើយអាចស្វែងរកជំនួយបាន។
“នៅពេលខ្ញុំស្ថិតនៅក្នុងស្ថានភាពលំបាក ខ្ញុំមានអារម្មណ៍ថា ខ្ញុំមុខជាមិនបានធូរស្បើយឡើយ។ ប៉ុន្តែខ្ញុំបានឆ្លងផុតពីការលំបាកនោះ។”
មានផ្តល់ជូនអ្នកបកប្រែផ្ទាល់មាត់
PANDA មានសិទ្ធិចូលប្រើប្រាស់អ្នកបកប្រែផ្ទាល់មាត់
ដើម្បីជួយគាំទ្រដល់អ្នកទាំងឡាយណាដែលមិនចេះនិយាយ ភាសាអង់គ្លេស ឬមានបញ្ហាក្នុងការស្ដាប់ ឬការនិយាយ។
“គ្មាននរណាម្នាក់ប្រាប់ខ្ញុំថាវាអាចកើតឡើង សូម្បីតែមុនពេលខ្ញុំមានកូនក្តី!”
ពេលណានឹងត្រូវស្វែងរកជំនួយ
ការមានផ្ទៃពោះ ឬក្លាយជាឪពុកម្តាយថ្មី អាចជាការគួរឱ្យរំភើប
និងជាការប្រឈម។ ការមានបញ្ហាខ្លះៗក្នុងការកែសម្រួលទៅនឹងការផ្លាស់ប្តូរនានា គឺជារឿងធម្មតាទេ។ ទោះយ៉ាងណាក្តី ជាទូទៅនៅពេលមានរឿងល្អ និងអាក្រក់កើតឡើងលាយឡំគ្នា វិវត្តន៍ទៅជារឿងអ្វីមួយដែលកាន់តែធ្ងន់ធ្ងរ ហើយចប់ទៅក្នុងរយៈពេលពីរសប្តាហ៍ ឬច្រើនជាងនេះ នោះដល់ពេលដែលត្រូវស្វែងរកជំនួយហើយ។
ការថប់បារម្ភ និងការធ្លាក់ទឹកចិត្តនៅមុនពេល
និងក្រោយពេលគ្រប់ខែភ្លាមគឺជារឿងធម្មតាទេ
ដោយមានចំនួនគួរឱ្យភ្ញាក់ផ្អើល មានស្ត្រីម្នាក់ក្នុងចំណោមម្ដាយថ្មី
ឬស្ត្រីនឹងក្លាយជាម្តាយប្រាំនាក់ ព្រមទាំងមានបុរសម្នាក់ក្នុងចំណោមបុរសដែលនឹងក្លាយជាឪពុក ឬឪពុកថ្មីដប់នាក់ នឹងជួបប្រទះការថប់បារម្ភ ឬការធ្លាក់ទឹកចិត្តនៅមុនពេល និងក្រោយពេលគ្រប់ខែភ្លាម។ វាអាចកើតឡើងក្នុងអំឡុងពេលមានផ្ទៃពោះ (មុនពេលសម្រាលកូន) ឬក្នុងឆ្នាំដំបូងបន្ទាប់ពីកំណើត (ក្រោយពេលសម្រាលកូន)។ ពាក្យ ‘ពេលមុន និងក្រោយពេលគ្រប់ខែភ្លាម’ សំដៅទៅលើទាំងការមានផ្ទៃពោះ និងឆ្នាំដំបូងបន្ទាប់ពីកំណើត។
“ខ្ញុំបារម្ភអំពីដៃគូរបស់ខ្ញុំ ប៉ុន្តែនាងនឹងមិននិយាយមកកាន់ខ្ញុំទេ។”
ជំងឺផ្លូវចិត្តក្រោយពេលសម្រាលកូនរួច
ជំងឺផ្លូវចិត្តក្រោយពេលសម្រាលកូនរួច គឺជាជំងឺដ៏កម្រមួយ ប៉ុន្តែជាជំងឺធ្ងន់ធ្ងរ ដែលប៉ះពាល់ដល់ម្តាយថ្មីម្នាក់ ទៅពីរនាក់នៅក្នុងចំណោមស្ត្រី ១០០០នាក់ ហើយអាចធ្វើឱ្យទាំងម្តាយ និងទារកប្រឈមនឹងគ្រោះថ្នាក់។ វាស្ទើរតែតម្រូវឱ្យមានការចូលព្យាបាលក្នុងមន្ទីរពេទ្យជានិច្ច។ ជាញឹកញាប់ រោគសញ្ញាកើតឡើងភ្លាមៗ ហើយអាចរួមបញ្ចូលទាំងការផ្លាស់ប្តូរអារម្មណ៍យ៉ាងខ្លាំង ការផ្លាស់ប្តូរអាកប្បកិរិយាគួរឱ្យកត់សម្គាល់ និងឈប់ដឹងពីការពិតកើតឡើង។
“ខ្ញុំជាម្តាយដ៏អាក្រក់បំផុតនៅលើលោកនេះ។”
វិធីដែល PANDA អាចជួយបាន
ប្រសិនបើអ្នករំពឹងក្លាយជាឪពុកម្តាយ ឬជាឪពុកម្តាយថ្មី ព្រួយបារម្ភអំពីសុខុមាលភាពខាងអារម្មណ៍ និងផ្លូវចិត្តរបស់អ្នក - ឬព្រួយបារម្ភអំពីនរណាម្នាក់ដែលអ្នកស្គាល់ - ជាការសំខាន់ត្រូវស្វែងរកការជួយគាំទ្រ។ កាលណាអ្នកស្វែងរកការជួយគាំទ្របានកាន់តែឆាប់ អ្នកអាចចាប់ផ្តើមមានអារម្មណ៍ធូរស្រាលកាន់តែឆាប់ដែរ។
ខ្សែទូរស័ព្ទជំនួយថ្នាក់ជាតិ ទាក់ទងនឹងសុខភាពផ្លូវចិត្តនៅមុនពេល និងក្រោយពេលគ្រប់ខែភ្លាមរបស់ PANDA ផ្តល់ជូនការប្រឹក្សាដោយឥតគិតថ្លៃ និងការគាំទ្រដល់ឪពុកម្តាយថ្មី និងអ្នកដែលរំពឹងថានឹងក្លាយជាឪពុកម្តាយគេ។
អ្នកពិគ្រោះយោបល់តាមទូរស័ព្ទដែលមានការបណ្តុះបណ្តាល និងយកចិត្តទុកដាក់ដ៏ខ្ពស់របស់យើង នឹងស្តាប់ពីកង្វល់របស់អ្នក ហើយជួយអ្នកឱ្យប្រកាន់យកនូវជំហានដំបូងនានា ឆ្ពោះទៅរកការជាសះស្បើយឡើងវិញ។
“ប្រសិនបើខ្ញុំប្រាប់អ្នកណាម្នាក់អំពីអារម្មណ៍របស់ខ្ញុំ ពួកគេនឹងគិតថាខ្ញុំជាឪពុកម្តាយមិនល្អ។”
ជាការល្អបំផុតដែលត្រូវនិយាយអំពីវា
ការថប់បារម្ភ និងការធ្លាក់ទឹកចិត្តនៅមុនពេល និងក្រោយពេលគ្រប់ខែភ្លាម គឺជាស្ថានភាពសុខភាពដ៏ធ្ងន់ធ្ងរមួយ។ វាអាចប៉ះពាល់ដល់ឪពុកម្តាយថ្មី ឬអ្នកដែលនឹងក្លាយជាឪពុកម្តាយ។ គ្មានអ្វីដែលគួរឱ្យខ្មាស់អៀនទេ។ វាមិនអីទេក្នុងការនិយាយអំពីវា។ តាមពិតទៅ វាជាការកាន់តែប្រសើរថែមទៀតដែលអ្នកនិយាយអំពីរឿងនេះ!
ការប្រាប់អ្នកដទៃអំពីការលំបាករបស់អ្នក ឬការសារភាពថាអ្នកត្រូវការជំនួយ មិនមែនជាសញ្ញានៃភាពទន់ខ្សោយទេ។ វាបង្ហាញថា អ្នកចង់បានការល្អបំផុតសម្រាប់ខ្លួនអ្នក និងក្រុមគ្រួសាររបស់អ្នក។
“ខ្ញុំគិតថា ខ្ញុំស្រឡាញ់កូនរបស់ខ្ញុំភ្លាមៗ ប៉ុន្តែខ្ញុំមិនអាចទ្រាំសម្លឹងមើលកូនស្រីរបស់ខ្ញុំបានឡើយ។”
សញ្ញានានានៃការថប់បារម្ភ និងការធ្លាក់ទឹកចិត្តនៅមុនពេល និងក្រោយពេលគ្រប់ខែភ្លាម
សញ្ញាអាចរួមបញ្ចូល៖
- មានអារម្មណ៍ក្រៀមក្រំ ធ្លាក់ចុះ ឬយំដោយគ្មានមូលហេតុ
- ការព្រួយបារម្ភឥតឈប់ឈរ មានលក្ខណៈជាទូទៅ ជាញឹកញាប់ផ្តោតលើការភ័យខ្លាចចំពោះសុខភាព ឬសុខុមាលភាពរបស់ទារកអ្នក
- មានអារម្មណ៍ញាប់ញ័រ ‘តានតឹង‘ ឬភ័យស្លន់ស្លោ
- ងាយធុញទ្រាន់ ឬឆាប់ខឹង
- ដកខ្លួនចេញពីមិត្តភក្តិ និងក្រុមគ្រួសារ
- ការពិបាកគេង សូម្បីតែនៅពេលទារករបស់អ្នកកំពុងគេងក្តី
- ផ្លាស់ប្តូរអារម្មណ៍ភ្លាមៗ
- មានអារម្មណ៍នឿយហត់ និងខ្វះថាមពលជានិច្ច
- រោគសញ្ញារាងកាយដូចជាដំណើរចង់ក្អួត ចង្អោរ បែកញើសត្រជាក់ ខ្វះចំណង់អាហារ
- មានចំណាប់អារម្មណ៍តិចតួច ឬមិនចាប់អារម្មណ៍នឹងអ្វីៗដែលជាធម្មតាធ្វើឱ្យអ្នករីករាយ
- ភ័យខ្លាចនៅម្នាក់ឯង ឬនៅជាមួយអ្នកដទៃ
- ពិបាកក្នុងការផ្ដោតការយកចិត្តទុកដាក់ ផ្តោតអារម្មណ៍ ឬចងចាំ
- កើនឡើងការប្រើប្រាស់គ្រឿងស្រវឹង ឬគ្រឿងញៀន
- ការភ័យស្លន់ស្លោដ៏ខ្លំាងក្លា (បេះដូងលោតញាប់ ញ័រដើមទ្រូង ដង្ហើមខ្លី ញាប់ញ័រ ឬមានអារម្មណ៍ដាច់ចេញខាងរាងកាយពីអ្វីៗដែលនៅជុំវិញអ្នក)
- ចាប់ផ្ដើមមានអាកប្បកិរិយាចេះតែគិតនឹកមមៃ ឬបង្ខំចិត្ត
- គិតពីការស្លាប់ ការធ្វើអត្តឃាត ឬការធ្វើទុក្ខទោសលើទារករបស់អ្នក។
ក៏មានរោគសញ្ញាផ្សេងជាច្រើនទៀតដែរ ដែលមិនបានរាយចុះនៅទីនេះ។ ប្រសិនបើអ្នក ឬនរណាម្នាក់ដែលជិតស្និទ្ឋនឹងអ្នក ជួបប្រទះនឹងរោគសញ្ញា ឬអារម្មណ៍ណាមួយ ដែលធ្វើឱ្យអ្នកព្រួយបារម្ភអស់រយៈពេលពីរសប្តាហ៍ ឬច្រើនជាងនេះ សូមស្វែងរកការគាំទ្រ។
“តើឪពុកម្តាយថ្មីទាំងអស់ មានអារម្មណ៍អាក្រក់បែបនេះឬ?”
សូមទូរស័ព្ទមក ខ្សែទូរស័ព្ទជំនួយជាតិទាក់ទងនឹងសុខភាពផ្លូវចិត្តនៅមុនពេល និងក្រោយពេលគ្រប់ខែភ្លាម ដោយឥតគិតថ្លៃ
ទូរស័ព្ទ 1300 726 306
ថ្ងៃច័ន្ទ - ថ្ងៃសុក្រ ម៉ោង 9.00 ព្រឹក - ម៉ោង 7.30 យប់ ម៉ោងតំបន់ភាគខាងកើត
បណ្តាញទូរសព្ទជំនួយថ្នាក់ជាតិ (National Helpline) របស់អង្គការ PANDA មានជាច្រើនភាសា រួមទាំងភាសារបស់អ្នកផងដែរ។
នៅពេលអ្នកហៅទូរសព្ទទៅបណ្តាញទូរសព្ទជំនួយរបស់អង្គការ PANDA សូមចុចជម្រើស “1” ដែលប្រាប់ឱ្យយើងដឹងថាអ្នកត្រូវការអ្នកបកប្រែផ្ទាល់មាត់។
តើមានអ្វីកើតឡើងនៅពេលការហៅទូរសព្ទរបស់អ្នកត្រូវបានឆ្លើយ៖
ការហៅទូរសព្ទរបស់អ្នកនឹងត្រូវបានឆ្លើយដោយទីប្រឹក្សាម្នាក់ដែលនិយាយភាសាអង់គ្លេស។ យើងនឹងត្រូវការដឹងអំពីភាសាដែលពេញចិត្ត – អ្នកមិនចាំបាច់ត្រូវការនិយាយភាសាអង់គ្លេសទេ លើកលែងតែដើម្បីប្រាប់ទីប្រឹក្សាអំពីភាសាដែលពេញចិត្តរបស់អ្នក។
អង្គការ PANDA នឹងចាត់ចែងឱ្យមានអ្នកបកប្រែផ្ទាល់មាត់ ហើយនៅពេលមានអ្នកបកប្រែហើយ យើងនឹងចាប់ផ្ដើមដំណើរការក្នុងការគាំទ្រដល់អ្នក។
ប្រសិនបើមិនមានអ្នកបកប្រែផ្ទាល់មាត់ទេ យើងនឹងហៅទូរសព្ទទៅអ្នកវិញ។
ប្រសិនបើអ្នកត្រូវការជំនួយបន្ទាន់សូមហៅទូរសព្ទលេខសូន្យបីដង (000) ឬផ្នែកសង្គ្រោះបន្ទាន់នៃមន្ទីរពេទ្យនៅតាមតំបន់។
ប្រសិនបើអ្នកត្រូវការជំនួយនៅក្រៅម៉ោងបណ្តាញខ្សែទូរសព្ទជំនួយរបស់អង្គការ PANDA សូមហៅទូរសព្ទ Lifeline តាមលេខ 13 11 14។