PANDA ܡܵܨܝܵܐ ܗܲܝܸܪܵܐ. ܡܲܚܒܸܪܘܼܢ ܘܗܲܡܙܸܡܘܼܢ ܒܘܼܬ ܓܵܢܵܘܟܼܘܿܢ ܝܲܢ ܚܲܕ ܕܝܵܕܥܝܼܬܘܿܢ ܠܹܗ.
ܐܲܒܼܵܗܹ̈ܐ ܚܲܕܬܹ̈ܐ ܝܬܘܿܢ ܝܲܢ ܒܸܣܒܵܪܵܐ ܝܬܘܿܢ ܠܚܲܕ ܛܸܦܠܵܐ؟ ܢܸܓܵܪܵܢ ܝܬܘܿܢ ܒܘܼܬ ܐܘܼܪܚܵܐ ܕܒܸܪܓܼܵܫܵܐ ܝܬܘܿܢ؟
ܣܸܕܪܵܐ ܕܢܘܼܩܙܹܐ ܕܚܘܼܠܡܵܢܵܐ ܕܗܵܘܢܵܐ
ܣܸܕܪܵܐ ܕܢܘܼܩܙܹܐ ܕܚܘܼܠܡܵܢܵܐ ܕܗܵܘܢܵܐ
ܐܵܗܵܐ ܣܸܕܪܵܐ ܕܢܘܼܩܙܹܐ ܒܲܩܘܼܪܹܐ ܝܠܹܗ ܒܘܼܩܵܪܹܐ ܕܡܵܨܝܼ ܗܲܝܸܪܝܼ ܠܵܘܟܼܘܿܢ ܕܒܘܼܫ ܨܦܵܝܝܼ ܦܲܪܡܝܼܬܘܿܢ ܕܵܐܟܼܝܼ ܝܬܘܿܢ ܒܸܪܓܼܵܫܵܐ، ܘܐܸܢ ܗܵܘܹܐܠܵܘܟܼܘܿܢ ܝܘܼܬܪܵܢܵܐ (ܦܵܝܕܵܐ) ܡܼܢ ܣܢܵܕܬܵܐ ܙܵܘܕܵܢܬܵܐ ܒܛܵܒܼܘܼܬܵܐ ܕܚܲܝܹܐ ܕܗܵܘܢܵܘܟܼܘܿܢ.
ܒܘܼܬ PANDA
PANDA ܟܹܐ ܡܕܲܒܪܵܐ ܚܘܼܛܵܐ ܕܗܲܝܲܪܬܵܐ ܐܘܼܡܬܵܝܵܐ ܕܝܼܠܹܗ ܚܲܒܝܼܪܵܐ ܠܚܘܿܕܵܝܵܐ ܓܵܘ ܐܘܿܣܬܪܵܠܝܵܝܵܐ ܩܵܐ ܐ݉ܢܵܫܹ̈ܐ ܕܥܘܼܓ̰ܸܙܹ̈ܐ ܝܢܵܐ ܒܢܸܓܵܪܵܢܘܼܬܵܐ، ܥܝܼܩܘܼܬܵܐ ܕܠܸܒܵܐ ܘܐܲܝܟܲܢܘܵܬܹ̈ܐ ܕܛܲܠܲܩܬܵܐ ܕܫܩܵܠܝܵܗܒܼܵܐ ܥܲܡ ܚܲܝܘܼܬܵܐ ܝܵܘܡܵܝܬܵܐ ܡܼܢ ܒܵܬ݉ܪ ܗܲܨܲܠܬܵܐ ܘܩܵܐ ܐܵܢܝܼ ܕܡܢܲܣܘܼܝܹܐ ܝܢܵܐ ܟܘܼܬܵܫܹ̈ܐ ܕܗܵܘܝܼ ܐܲܒܼܵܗܹ̈ܐ.
ܐܲܚܢܲܢ ܐܵܦ ܟܹܐ ܡܲܙܝܸܕܲܚ ܥܝܼܪܘܼܬܵܐ (ܒܵܠܵܕܘܼܬܵܐ) ܒܘܼܬ ܐܵܗܵܐ ܡܲܪܥܵܐ ܚܸܪܒܵܐ ܘܓܵܘܵܢܵܝܵܐ ܩܵܐ ܕܐܵܢܝܼ ܕܥܘܼܓ̰ܸܙܹ̈ܐ ܝܢܵܐ ܦܲܪܡܝܼ ܡܘܿܕܝܼ ܒܸܗܘܵܝܵܐ ܝܠܹܗ ܥܲܠܲܝܗܝ ܘܡܵܨܝܼ ܕܛܵܠܒܝܼ ܗܲܝܲܪܬܵܐ.
“ܐܝܼܡܲܢ ܕܝܼܘܵܢ ܗܘܵܐ ܓܵܘ ܦܲܠܓܘܿܗܿ ܪܓܼܝܼܫܠܝܼ ܕܐܵܢܵܐ ܗܸܟ̰ ܠܹܐ ܗܵܘܝܵܢ ܨܦܵܝܝܼ. ܐܝܼܢܵܐ ܗܘܹܐܠܝܼ ܨܦܵܝܝܼ.”
ܡܬܲܖ̈ܓܡܵܢܹ̈ܐ ܡܸܬܩܲܢܝܵܢܹ̈ܐ
PANDA ܐܝܼܬܠܵܗܿ ܡܛܵܝܬܵܐ ܠܡܬܲܖ̈ܓܡܵܢܹܐ ܩܵܐ ܣܢܵܕܬܵܐ ܕܐܵܢܝܼ ܕܠܹܐ ܡܵܨܝܼ ܗܲܡܙܸܡܝܼ ܠܸܫܵܢܵܐ ܐܸܢܓܠܸܣܢܵܝܵܐ ܝܲܢ ܐܵܢܝܼ ܕܐܝܼܬܠܗ݉ܘܿܢ ܙܲܒܘܼܢܘܼܬܵܐ ܒܲܫܡܵܥܬܵܐ ܝܲܢ ܒܗܲܡܙܲܡܬܵܐ.
“ܐܵܦ ܚܲܕ ܠܹܐ ܝܠܹܗ ܐ݉ܡܝܼܪܝܼ ܡܵܨܝܵܢܬܵܐ ܝܠܵܗܿ ܕܗܵܘܝܵܐ ܐܵܦ ܡܼܢ ܩܵܕ݉ܡ ܕܐܵܢܵܐ ܗܵܘܹܐ ܗܘܵܐ ܠܝܼ ܚܲܕ ܛܸܦܠܵܐ!”
ܐܝܼܡܲܢ ܠܛܠܵܒܵܐ ܗܲܝܲܪܬܵܐ
ܒܛܵܢܬܵܐ ܝܲܢ ܗܘܵܝܬܵܐ ܕܚܲܕ ܐܲܒܼܵܗܵܐ ܚܲܕܬܵܐ ܡܵܨܝܵܢܹ̈ܐ ܝܢܵܐ ܬܸܪܘܲܝܗܝ ܕܗܵܘܝܼ ܡܲܚܕܸܝܵܢܹ̈ܐ ܘܟܵܬܘܿܫܹ̈ܐ. ܟܝܵܢܵܝܬܵܐ ܝܠܵܗ ܕܗܵܘܹܐ ܠܵܘܟ݂ܘܿܢ ܩܸܛܪܹ̈ܐ ܒܡܲܕܪܲܙܬܵܐ ܕܚܲܝܵܘܟ݂̈ܘܿܢ ܕܠܵܚܡܝܼ ܥܲܡ ܫܘܼܚܠܵܦܹܸ̈ܐ ܕܒܸܗܘܵܝܵܐ ܝܢܵܐ. ܐܝܼܢܵܐ، ܐܝܼܡܲܢ ܕܐܲܝܟܲܢܘܵܬܹ̈ܐ ܓܵܘܵܢܵܝܹ̈ܐ ܕܐ݉ܣܵܠ݉ܩܬܵܐ ܘܲܕܨܠܵܝܬܵܐ ܛܲܘܸܪܝܼ ܠܚܲܕ ܡܸܢܕܝܼ ܒܘܼܫ ܚܸܪܒܵܐ، ܘܡܲܓܪܸܫܝܼ ܩܵܐ ܬܖܹ̈ܝܢ ܫܵܒܼܘܿܥܹ̈ܐ ܝܲܢ ܒܘܼܫ ܙܵܘܕܵܐ، ܝܼܠܵܗܿ ܥܸܕܵܢܵܐ ܕܛܵܠܒܝܼܬܘܿܢ ܗܲܝܲܪܬܵܐ.
ܢܸܓܵܪܵܢܘܼܬܵܐ ܘܥܝܼܩܘܼܬܵܐ ܕܠܸܒܵܐ ܚܲܕܸܪܘܵܢܹܐ ܕܥܸܕܵܢܵܐ ܕܗܲܨܲܠܬܵܐ ܝܼܢܵܐ ܥܝܵܕܵܝܹ̈ܐ
ܩܘܼܪܒܵܐ ܠܚܕܵܐ ܓܵܘ ܟܠ ܚܲܡܫܵܐ ܝܸܡܵܬܹ̈ܐ ܒܸܣܒܵܪܵܐ ܕܗܵܘܝܼ ܝܸܡܵܬܹ̈ܐ ܝܲܢ ܝܸܡܵܬܹ̈ܐ ܚܲܕܬܹ̈ܐ. ܘܚܲܕ ܓܵܘ ܥܸܣܪܵܐ ܒܵܒܵܘܵܬܹ̈ܐ ܒܸܣܒܵܪܵܐ ܕܗܵܘܝܼ ܒܵܒܵܘܵܬܹ̈ܐ ܝܲܢ ܚܲܕܬܹ̈ܐ ܒܸܕ ܗܵܘܝܼ ܠܗ݉ܘܿܢ ܢܸܓܵܪܵܢܘܼܬܵܐ ܘܥܝܼܩܘܼܬܵܐ ܕܠܸܒܵܐ ܚܲܕܸܪܘܵܢܹܐ ܕܥܸܕܵܢܵܐ ܕܗܲܨܲܠܬܵܐ. ܐܵܗܵܐ ܡܵܨܹܐ ܕܡܲܒܝܸܢ ܒܥܸܕܵܢܵܐ ܕܒܛܝܼܢܘܼܬܵܐ (ܡܼܢ ܩܵܕ݉ܡ ܗܲܨܲܠܬܵܐ) ܝܲܢ ܓܵܘ ܫܲܢ݉ܬܵܐ ܩܲܕ݉ܡܵܝܬܵܐ ܡܼܢ ܒܵܬ݉ܪ ܗܲܨܲܠܬܵܐ (ܡܼܢ ܒܵܬ݉ܪ ܗܲܨܲܠܬܵܐ). ܐܵܗܵܐ ܚܲܒܪܵܐ ܕ ‘ܚܲܕܸܪܘܵܢܹܐ ܕܥܸܕܵܢܵܐ ܕܗܲܨܲܠܬܵܐ’ ܒܸܪܡܵܙܵܐ ܝܠܹܗ ܠܬܸܪܘܲܝܗܝ ܒܛܝܼܢܘܼܬܵܐ ܘܫܲܢ݉ܬܵܐ ܩܲܕܡܵܝܬܵܐ ܡܼܢ ܒܵܬ݉ܪ ܗܲܨܲܠܬܵܐ.
“ܐܵܢܵܐ ܢܸܓܵܪܵܢ ܝܘܸܢ ܒܘܼܬ ܫܲܪܝܼܟܬܵܐ ܕܚܲܝܝܼ ܐܝܼܢܵܐ ܗܿܝ ܠܹܐ ܗܲܡܙܸܡܵܐ ܥܲܡܝܼ.”
ܐܲܝܟܲܢܘܵܬܹ̈ܐ ܕܛܲܠܲܩܬܵܐ ܕܫܩܵܠܝܵܗܒܼܵܐ ܥܲܡ ܚܲܝܘܼܬܵܐ ܝܵܘܡܵܝܬܵܐ ܡܼܢ ܒܵܬ݉ܪ ܗܲܨܲܠܬܵܐ
ܐܲܝܟܲܢܘܵܬܹ̈ܐ ܕܛܲܠܲܩܬܵܐ ܕܫܩܵܠܝܵܗܒܼܵܐ ܥܲܡ ܚܲܝܘܼܬܵܐ ܝܵܘܡܵܝܬܵܐ ܡܼܢ ܒܵܬ݉ܪ ܗܲܨܲܠܬܵܐ ܝܼܠܵܗܿ ܚܲܕ ܡܲܪܥܵܐ ܟ̰ܸܡ ܒܵܨܘܿܪܵܐ، ܐܝܼܢܵܐ ܚܸܪܒܵܐ ܕܟܹܐ ܗܵܘܹܐܠܵܗܿ ܡܲܥܒܕܵܢܘܼܬܵܐ (ܟܵܐܪ) ܥܲܠ ܚܲܕ ܗܲܠ ܬܖܹ̈ܝܢ ܝܸܡܵܬܹ̈ܐ ܚܲܕܬܹ̈ܐ ܓܵܘ ܟܠ 1000 ܝܸܡܵܬܹ̈ܐ ܘܡܵܨܝܵܐ ܕܡܲܬܒܼܵܐ ܠܗ݉ܘܿܢ ܝܸܡܵܐ ܘܛܸܦܠܵܐ ܬܚܘܿܬ ܩܸܢܛܵܐ. ܩܘܼܪܒܵܐ ܠܟܠ ܓܵܗܵܐ ܐܵܗܵܐ ܐܲܝܟܲܢܵܝܘܼܬܵܐ ܣܢܝܼܩܬܵܐ ܝܠܵܗܿ ܠܡܲܥܒܼܲܪܬܵܐ ܓܵܘ ܒܹܝܬ ܟܪܝܼܗܹ̈ܐ. ܪܵܒܵܐ ܓܵܗܹ̈ܐ ܢܝܼܫܲܢܩܹ̈ܐ ܟܹܐ ܡܲܒܝܸܢܝܼ ܡܼܢ ܢܵܓܸܣܬܲܢ ܘܡܵܨܝܼ ܕܚܵܒܼܫܝܼ ܫܘܼܚܠܵܦܹ̈ܐ ܓܘܼܒܼ̈ܪܹܐ ܓܵܘ ܣܵܘܕܵܐ، ܫܘܼܚܠܵܦܹ̈ܐ ܚܲܝܠܵܢܹ̈ܐ ܓܵܘ ܕܘܼܒܵܪܹ̈ܐ ܘܛܲܠܲܩܬܵܐ ܕܫܩܵܠܝܵܗܒܼܵܐ ܥܲܡ ܚܲܝܘܼܬܵܐ ܝܵܘܡܵܝܬܵܐ.
“ܐܵܢܵܐ ܝܼܘܵܢ ܗܿܝ ܝܸܡܵܐ ܒܘܼܫ ܚܸܪܒܵܐ ܓܵܘ ܕܘܼܢܝܹܐ.”
ܕܵܐܟܼܝܼ ܡܵܨܝܵܐ PANDA ܕܗܲܝܸܪܵܐ
ܐܸܢ ܐܲܚܬܘܿܢ ܝܼܬܘܿܢ ܚܲܕ ܐܲܒܼܵܗܵܐ ܒܸܣܒܵܪܵܐ ܝܲܢ ܐܲܒܼܵܗܵܐ ܚܲܕܬܵܐ ܕܢܸܓܵܪܵܢ ܝܬܘܿܢ ܒܘܼܬ ܛܵܒܼܘܼܬܵܘܟܼܘܿܢ ܢܸܒܼܗܵܢܵܝܬܵܐ ܘܗܵܘܢܵܝܬܵܐ ــ ܝܲܢ ܢܸܓܵܪܵܢ ܝܬܘܿܢ ܒܘܼܬ ܚܲܕ ܕܝܵܕܥܝܼܬܘܿܢ ܠܹܗ ــ ܐܵܢܲܢܩܵܝܬܵܐ ܝܠܵܗܿ ܕܛܵܠܒܝܼܬܘܿܢ ܣܢܵܕܬܵܐ. ܟܡܵܐ ܕܛܵܠܒܝܼܬܘܿܢ ܣܢܵܕܬܵܐ ܒܓ̰ܲܠܕܘܼܬܵܐ، ܟܡܵܐ ܒܓ̰ܲܠܕܘܼܬܵܐ ܡܵܨܝܼܬܘܿܢ ܫܲܪܝܼܬܘܿܢ ܒܸܪܓܼܫܵܐ ܒܘܼܫ ܨܦܵܝܝܼ.
ܚܘܼܛܵܐ ܕܗܲܝܲܪܬܵܐ ܐܘܼܡܬܵܝܵܐ ܕ PANDA ܩܵܐ ܚܘܼܠܡܵܢܵܐ ܕܗܵܘܢܵܐ ܒܥܸܕܵܢܵܐ ܕܚܲܕܸܪܘܵܢܹܐ ܕܗܲܨܲܠܬܵܐ ܟܹܐ ܡܲܩܪܸܒܼ ܡܲܠܘܿܟܼܘܼܬܵܐ ܡܲܓܵܢܵܝܬܵܐ ܘܣܢܵܕܬܵܐ ܩܵܐ ܟܠܲܝܗܝ ܐܲܒܼܵܗܹ̈ܐ ܚܲܕܬܹ̈ܐ ܘܐܲܒܼܵܗܹ̈ܐ ܕܒܸܣܒܵܪܵܐ ܝܢܵܐ.
ܡܲܠܘܿܟܼܲܢ ܬܘܼܠܡܸܕܹ̈ܐ ܘܡܲܣܸܡܵܢܹ̈ܐ ܕܒܵܠܵܐ ܒܚܲܕ ܕܲܪܓܼܵܐ ܥܸܠܵܝܵܐ ܒܸܕ ܡܲܫܡܸܥܝܼ ܠܢܸܓܵܪܵܢܘܼܝܵܬܵܘܟܼ̈ܘܿܢ ܡܼܢ ܥܲܠ ܬܹܠܹܦ̮ܘܿܢ ܘܗܲܝܸܪܝܼ ܠܵܘܟܼܘܿܢ ܕܫܵܩܠܝܼܬܘܿܢ ܦܵܣܘܿܥܝܵܬܹ̈ܐ ܩܲܕ݉ܡܵܝܹ̈ܐ ܩܵܐ ܒܣܵܡܬܵܐ.
“ܐܸܢ ܐܵܢܵܐ ܐܵܡܪܸܢ ܩܵܐ ܚܲܕ ܐ݉ܢܵܫܵܐ ܕܵܐܟܼܝܼ ܝܘܸܢ ܒܸܪܓܼܵܫܵܐ ܐܵܢܝܼ ܒܸܕ ܚܵܫܒܼܝܼ ܐܵܢܵܐ ܝܘܸܢ ܚܲܕ ܐܲܒܼܵܗܵܐ ܠܵܐ ܨܦܵܝܝܼ.”
ܒܘܼܫ ܨܦܵܝܝܼ ܝܠܵܗܿ ܕܗܲܡܙܸܡܲܚ ܒܘܼܬ ܕܝܼܘܿܗܿ
ܢܸܓܵܪܵܢܘܼܬܵܐ ܘܥܝܼܩܘܼܬܵܐ ܕܠܸܒܵܐ ܚܲܕܸܪܘܵܢܹܐ ܕܥܸܕܵܢܵܐ ܕܗܲܨܲܠܬܵܐ ܝܼܢܵܐ ܚܕܵܐ ܐܲܝܟܲܢܵܝܘܼܬܵܐ ܚܸܪܒܵܐ ܕܚܘܼܠܡܵܢܵܐ. ܡܵܨܝܵܐ ܕܥܵܒܼܕܵܐ ܡܲܥܒܕܵܢܘܼܬܵܐ (ܟܵܐܪ) ܥܲܠ ܟܠ ܚܲܕ ܐܲܒܼܵܗܵܐ ܚܲܕܬܵܐ ܝܲܢ ܕܒܸܣܒܵܪܵܐ ܝܠܹܗ ܗܵܘܹܐ ܐܲܒܼܵܗܵܐ. ܠܹܐ ܝܠܹܗ ܚܲܕ ܡܸܢܕܝܼ ܕܐ݉ܢܵܫܵܐ ܢܵܟܼܹܦ ܡܸܢܹܗ. ܨܦܵܝܝܼ ܝܠܵܗܿ ܕܗܲܡܙܸܡܲܚ ܒܘܼܬ ܕܝܼܹܗ. ܒܕܘܼܙܘܼܬܵܐ، ܒܘܼܫ ܨܦܵܝܝܼ ܝܠܵܗܿ ܕܗܲܡܙܸܡܝܼܬܘܿܢ ܒܘܼܬ ܕܝܼܹܗ!
ܗܲܡܙܲܡܬܵܐ ܥܲܡ ܐ݉ܚܹܪ݉ܢܹ̈ܐ ܒܘܼܬ ܟܘܼܬܵܫܵܘܟܼܘܿܢ، ܝܲܢ ܡܵܘܕܵܝܬܵܐ ܕܣܢܝܼܩܹ̈ܐ ܝܬܘܿܢ ܠܗܲܝܲܪܬܵܐ ܠܹܐ ܝܠܵܗܿ ܚܲܕ ܢܝܼܫܲܢܩܵܐ ܕܙܲܒܘܼܢܘܼܬܵܐ. ܟܹܐ ܡܲܚܙܸܝܵܐ ܕܐܲܚܬܘܿܢ ܒܵܥܝܼܬܘܿܢ ܗܿܘ ܡܸܢܕܝܼ ܒܘܼܫ ܨܦܵܝܝܼ ܩܵܐ ܓܵܢܵܘܟܼܘܿܢ ܘܩܵܐ ܒܲܝܬܘܼܬܵܘܟܼܘܿܢ.
“ܐܵܢܵܐ ܚܫܝܼܒܼܠܝܼ ܒܸܕ ܒܵܥܝܵܢ ܠܹܗ ܛܸܦܠܝܼ ܚܲܕܪܹܫܵܐ، ܐܝܼܢܵܐ ܒܚܲܝܠܵܐ ܝܘܵܢ ܡܨܵܝܵܐ ܕܓܲܫܩܵܢ ܥܲܠܘܿܗܿ.”
ܢܝܼܫܲܢܩܹ̈ܐ ܕܢܸܓܵܪܵܢܘܼܬܵܐ ܘܥܝܼܩܘܼܬܵܐ ܕܠܸܒܵܐ ܚܲܕܸܪܘܵܢܹܐ ܕܥܸܕܵܢܵܐ ܕܗܲܨܲܠܬܵܐ
ܢܝܼܫܲܢܩܹ̈ܐ ܒܲܠܟܵܐ ܚܵܒܼܫܝܼ:
- ܪܓܼܵܫܬܵܐ ܒܚܲܫܵܐ، ܒܠܸܒܵܐ ܚܠܝܼܨܵܐ ܝܲܢ ܒܒܸܟܼܝܵܐ ܕܠܵܐ ܚܲܕ ܣܲܒܵܒ ܓܸܠܝܵܐ
- ܢܝܼܓܵܪܵܢܘܼܬܵܐ ܓܵܘܵܢܵܝܬܵܐ ܘܐܲܡܝܼܢܵܝܬܵܐ، ܘܪܵܒܵܐ ܓܵܗܹ̈ܐ ܩܘܼܢܛܪܸܢܬܵܐ ܥܲܠ ܙܕܘܼܥܝܵܬܹ̈ܐ ܒܘܼܬ ܚܘܼܠܡܵܢܵܐ ܝܲܢ ܒܘܼܬ ܛܵܒܘܼܬܵܐ ܕܚܲܝܹ̈ܐ ܕܛܸܦܠܵܟܼܝ.
- ܪܓܼܵܫܬܵܐ ܒܟܲܪܒܵܐ، ܢܸܓܵܪܵܢܘܼܬܵܐ، ܝܲܢ ܙܕܘܼܥܬܵܐ
- ܪܓܼܵܫܬܵܐ ܕܒܗܲܣܵܢܵܝܘܼܬܵܐ ܦܝܵܫܵܐ ܝܘܲܬܝ ܡܘܼܣܩܸܕܬܵܐ ܝܲܢ ܡܘܼܟܪܸܒܬܵܐ
- ܓܪܵܫܬܵܐ ܕܓܵܢܵܐ ܡܼܢ ܚܲܒܼܪܵܢܹ̈ܐ ܘܒܲܝܬܘܼܬܵܐ
- ܥܲܣܩܘܼܝܵܬܹ̈ܐ ܒܕܡܵܟܼܬܵܐ، ܐܵܦ ܐܸܢ ܗܵܘܹܐ ܛܸܦܠܵܟܼܝ ܕܡܝܼܟܼܵܐ
- ܫܘܼܚܠܵܦܹ̈ܐ ܕܣܵܘܕܵܐ ܡܼܢ ܢܵܓܸܣܬܵܢ
- ܪܓܼܵܫܬܵܐ ܒܟܸܟ̰ܚܵܐ ܐܲܡܝܼܢܵܐܝܼܬ ܘܒܒܵܨܘܿܪܘܼܬܵܐ ܕܚܲܝܠܵܐ
- ܢܝܼܫܲܢܩܹ̈ܐ ܦܲܓܼܪܵܢܵܝܹ̈ܐ ܐܲܝܟܼ ܓܒܼܵܠܬܵܐ ܕܠܸܒܵܐ، ܡܲܕܥܲܪܬܵܐ، ܕܥܵܬܵܐ ܩܲܪܝܼܪܬܵܐ، ܒܵܨܘܿܪܘܼܬܵܐ ܕܫܲܗܘܲܬܵܐ ܠܡܹܐܟܼܘܼܠܬܵܐ
- ܬܲܚܡܲܢܬܵܐ ܒܨܝܼܪܬܵܐ ܝܲܢ ܠܵܐ ܬܲܚܡܲܢܬܵܐ ܒܡܸܢܕܝܵܢܹ̈ܐ ܕܟܹܐ ܡܲܚܕܝܼܠܵܟܼܝ ܥܝܵܕܵܐܝܼܬ
- ܙܕܘܼܥܬܵܐ ܡܼܢ ܦܝܵܫܬܵܐ ܠܚܘܿܕܵܟܼܝ ܝܲܢ ܥܲܡ ܐ݉ܚܹܪ݉ܢܹ̈ܐ
- ܒܸܚܙܵܝܘܿܗܿ ܝܘܲܬܝ ܙܲܗܡܲܬ ܕܬܲܚܡܸܢܲܬܝ ܒܨܲܠܝܼܠܘܼܬܵܐ، ܩܲܢܛܪܸܢܲܬܝ ܪܸܥܝܵܢܲܟܼܝ، ܝܲܢ ܕܵܟܼܪܲܬܝ
- ܙܝܵܕܬܵܐ ܕܫܬܵܝܬܵܐ ܕܐܲܠܟܘܿܗܘܿܠ ܝܲܢ ܫܩܵܠܬܵܐ ܕܡܥܲܓܕܵܢܹ̈ܐ (ܕܲܖ̈ܡܵܢܹܐ ܡܲܬܒܼܸܢܵܢܹ̈ܐ)
- ܢܵܘܒܵܬܹ̈ܐ ܕܙܕܘܼܥܬܵܐ (ܠܸܒܵܐ ܡܚܵܝܵܐ ܓ̰ܲܠܕܹܐ، ܪܲܦܪܲܦܬܵܐ ܕܠܸܒܵܐ، ܟܸܪܝܘܼܬܵܐ ܕܢܲܦܲܣ، ܪܓܵܕܬܵܐ ܝܲܢ ܪܓܼܵܫܬܵܐ ܒܦܪܵܫܬܵܐ ܦܲܓܼܪܵܢܵܐܝܼܬ ܡܼܢ ܚܲܕܸܖ̈ܘܵܢܵܟܼܝ)
- ܗܘܵܝܬܵܐ ܕܕܘܼܒܵܪܹ̈ܐ ܕܚܘܼܫܵܒܼܹ̈ܐ ܡܙܲܒܛܸܢܵܢܹ̈ܐ ܘܡܸܬܚܲܝܠܵܢܹ̈ܐ
- ܬܲܚܡܲܢܝܵܬܹ̈ܐ ܒܘܼܬ ܡܵܘܬܵܐ، ܩܛܵܠܬܵܐ ܕܓܵܢܵܐ، ܝܲܢ ܒܘܼܬ ܥܲܓ̰ܲܙܬܵܐ ܕܛܸܦܠܵܟܼܝ.
ܐܵܦ ܐܝܼܬ ܪܵܒܵܐ ܢܝܼܫܲܢܩܹ̈ܐ ܐ݉ܚܹܪ݉ܢܹ̈ܐ ܕܠܵܐ ܝܢܵܐ ܦܝܼܫܹ̈ܐ ܡܘܼܕܟܼܸܪܹܐ ܠܐܲܟܼܵܐ. ܐܸܢ ܐܲܢ݉ܬܝ ܝܲܢ ܚܲܕ ܩܘܼܪܒܵܐ ܥܲܠܵܟܼܝ ܡܢܲܣܘܼܝܹܐ ܝܬܘܿܢ ܟܠ ܚܲܕ ܢܝܼܫܲܢܩܵܐ ܝܲܢ ܪܓܼܵܫܬܵܐ ܕܗܵܘܝܼ ܕܒܸܙܕܵܥܵܐ ܝܬܘܿܢ ܡܸܢܲܝܗܝ ܩܵܐ ܬܖܹ̈ܝܢ ܫܲܒܼܘܿܥܹ̈ܐ ܝܲܢ ܙܵܘܕܵܐ، ܐܸܢ ܒܵܣܡܵܐܠܵܟܼܝ ܛܠܘܿܒܝ ܣܢܵܕܬܵܐ.
“ܟܠܲܝܗܝ ܐܲܒܼܵܗܹ̈ܐ ܚܲܕܬܹ̈ܐ ܟܹܐ ܪܵܓܼܫܝܼ ܒܐܵܗܵܐ ܙܕܘܼܥܬܵܐ؟”
ܡܲܚܒܸܪܘܼܢ ܩܵܐ ܚܘܼܛܲܢ ܡܲܓܵܢܵܝܵܐ ܕܗܲܝܲܪܬܵܐ ܐܘܼܡܬܵܝܵܐ ܩܵܐ ܚܘܼܠܡܵܢܵܐ ܕܗܵܘܢܵܐ ܒܥܸܕܵܢܵܐ ܕܚܲܕܸܪܘܵܢܹܐ ܕܗܲܨܲܠܬܵܐ
ܩܪܹܝܡܘܼܢ ܥܲܠ ܬܹܠܹܦ̮ܘܿܢ ܡܸܢܝܵܢܵܐ 306 726 1300
ܬܪܹܝܢܒܫܲܒܵܐ ܗܲܠ ܥܪܘܼܒܼܬܵܐ ܡܼܢ ܣܵܥܲܬ 9 ܒܩܲܕܵܡܬܵܐ ܗܲܠ 7.30 ܒܪܲܡܫܵܐ ܒܥܸܕܵܢܵܐ ܪܫܝܼܡܬܵܐ
ܕܡܲܕܢܚܵܐ ܕܐܘܿܣܬܪܵܠܝܵܐ \ ܒܥܸܕܵܢܵܐ ܕܩܲܝܛܵܐ ܕܡܲܕܢܚܵܐ ܕܐܘܿܣܬܪܵܠܝܵܐ
ܐܝܼܬ ܚܘܼܛܵܐ ܕܥܘܼܕܪܵܢܵܐ ܐܲܬܪܵܢܵܝܵܐ ܕܦܵܢܕܵܐ (PANDA) ܒܪܲܒܵܐ ܠܸܫܵܢܹ̈ܐ، ܒܸܚܒ݂ܵܫܵܐ ܠܸܫܵܢܵܘܟ݂ܘܿܢ.
ܐܝܼܡܲܢ ܕܡܲܚܒܸܪܝܼܬܘܿܢ ܚܘܼܛܵܐ ܕܥܘܼܕܪܵܢܵܐ ܐܲܬܪܵܢܵܝܵܐ ܕܦܵܢܕܵܐ (PANDA)، ܢܩܘܿܪܘܼܢ ܥܲܠ ܓܘܼܒܵܝܵܐ “1”ܕܫܵܒܹܩܠܲܢ ܕܝܵܕܥܸܚ ܕܣܢܝܼܩܹ̈ܐ ܝܬܘܿܢ ܠܬܲܪܓܸܡܵܢܵܐ.
ܡܵܐ ܒܸܕ ܒܵܪܹܐ ܐܝܼܡܲܢ ܕܡܲܚܒܲܪܬܵܘܟ݂ܘܿܢ ܦܵܝܫܵܐ ܡܓ̰ܘܿܘܸܒܬܵܐ:
ܡܲܚܒܲܪܬܵܘܟ݂ܘܿܢ ܒܸܕ ܦܵܝܫܵܐ ܡܓ̰ܘܿܘܸܒܬܵܐ ܒܚܲܕ݉ ܡܵܠܘܿܟ݂ܵܐ ܗܲܡܙܸܡܵܢܵܐ ܒܠܸܫܵܢܵܐ ܐܸܢܓܠܝܼܣܵܝܵܐ. ܒܸܕ ܣܵܢܩܸܚ ܕܝܵܕܥܸܚ ܒܘܼܕ ܠܸܫܵܢܵܐ ܡܓܘܿܒܝܵܐ –ܠܵܐ ܝܬܘܿܢ ܣܢܝܼܩܹ̈ܐ ܕܗܲܡܙܸܡܝܼܬܘܿܢ ܠܸܫܵܢܵܐ ܐܸܢܓܠܝܼܣܵܝܵܐ ܫܒ݂ܘܿܩ ܡ݂ܢ ܕܡܲܝܕܥܝܼܬܘܿܢ ܩܵܐ ܡܵܠܘܿܟ݂ܵܐ ܒܘܼܕ ܠܸܫܵܢܵܘܟ݂ܘܿܢ ܡܓܘܿܒܝܵܐ.
ܦܵܢܕܵܐ (PANDA) ܒܸܕ ܡܲܪܝܸܙܵܐ ܚܲܕ݉ ܬܲܪܓܸܡܵܢܵܐ ܘܐܝܼܡܲܢ ܐܝܼܬ ܚܲܕ݉ ܗܕܝܼܪܵܐ، ܒܸܕ ܫܲܪܹܝܚ ܬܲܥܒܲܕܬܵܐ ܕܡܥܲܕܲܪܬܵܘܟ݂ܘܿܢ.
ܐܸܢ ܠܲܝܬ ܚܲܕ݉ ܬܲܪܓܸܡܵܢܵܐ ܗܕܝܼܪܵܐ، ܒܸܕ ܕܵܥܪܸܚ ܡܲܚܒܸܪܸܚܠܵܘܟ݂ܘܿܢ.
ܐܸܢ ܣܢܝܼܩܹ̈ܐ ܝܬܘܿܢ ܠܥܘܼܕܪܵܢܵܐ ܥܪܝܼܨܵܝܵܐ ܡܲܚܒܸܪܘܼܢ ܠܬܠܵܬܵܐ ܨܝܼܦܵܪܹ̈ܐ (000) ܐܵܘ ܡܦܲܪܢܣܵܢܘܼܬܵܐ ܕܥܪܝܼܨܘܼܬܵܐ ܓܵܘ ܒܹܝܬ ܟܪ̈ܝܼܗܹܐ ܡܲܗܲܠܵܝܵܐ.
ܐܸܢ ܣܢܝܼܩܹ̈ܐ ܝܬܘܿܢ ܠܥܘܼܕܪܵܢܵܐ ܠܒܲܕܲܪ ܡ݂ܢ ܣܵܥܲܬܹ̈ܐ ܕܦܘܼܠܚܵܢܵܐ ܕܚܘܼܛܵܐ ܕܥܘܼܕܪܵܢܵܐ ܕܦܵܢܕܵܐ (PANDA)، ܡܲܚܒܸܪܘܼܢ ܩܵܐ ܠܵܝܦ̮ܠܵܝܢ ܥܲܠ ܡܸܢܝܵܢܵܐ 13 11 14.