Assyrian | ܐܵܬܘܿܪܵܝܵܐ: ܢܘܼܦܵܩܵܐ ܩܵܐ ܡܕܲܒܪܵܢܘܼܬܵܐ ܕܪܸܓܼܫܹ̈ܐ ܡܲܥܝܸܩܵܢܹ̈ܐ ـ ܡܫܵܚܬܵܐ ܕܦܲܓܼܪܵܐ ܘܡܲܢܝܸܚܵܢܘܼܬܵܐ ܩܵܐ ܡܲܪܦܲܝܬܵܐ ܕܚܠܝܼܨܘܼܬܵܐ

ܢܘܼܦܵܩܵܐ ܩܵܐ ܡܕܲܒܪܵܢܘܼܬܵܐ ܕܪܸܓܼܫܹ̈ܐ ܡܲܥܝܸܩܵܢܹ̈ܐ

ܐܵܢܵܐ ܒܸܕ ܡܗܲܕܝܵܢ ܠܵܘܟܼܘܿܢ ܓܵܘ ܚܲܕ ܢܘܼܦܵܩܵܐ ܟܸܪܝܵܐ ܕܦܲܓܼܪܵܐ ܩܵܐ ܡܲܪܦܲܝܬܵܐ ܕܥܝܼܩܘܼܬܵܐ، ܕܦܝܼܫܵܐ ܝܠܹܗ ܫܩܝܼܠܵܐ ܡܼܢ ܡܫܲܚܬܵܐ ܦܫܝܼܛܬܵܐ ܕܦܲܓܼܪܵܐ ܘܡܲܢܝܸܚܵܢܘܼܬܵܐ ܕ Paul Gilbert. ܢܘܼܦܵܩܵܐ ܝܼܠܹܗ ܩܵܐ ܚܲܕܟܡܵܐ ܕܲܩܝܼܩܹܐ ܩܵܐ ܣܲܚܒܲܪܬܵܐ ܥܲܡ ܓܵܢܵܘܟܼܘܿܢ. ܟܠ ܡܸܢܕܝܼ ܕܩܲܡ ܡܲܡܛܹܐܠܵܘܟܼܘܿܢ ܠܐܲܟܼܵܐ، ܐܸܢ ܐܝܼܬ ܚܲܕ ܡܸܢܕܝܼ ܕܡܲܣܩܘܼܕܹܐ ܝܠܹܗ ܚܝܼܵܠܵܘܟܼܘܿܢ، ܡܲܬܒܼܘܼܢ ܠܹܗ ܠܚܲܕ ܓܹܒܵܐ. ܐܲܚܟ̰ܝܼ ܩܵܐ ܚܲܕ ܪܦܵܦܵܐ. ܐܲܚܬܘܿܢ ܐܝܼܬܠܵܘܟܼܘܿܢ ܦܣܵܣܵܐ ܕܫܵܩܠܝܼܬܘܿܢ ܐܲܝܵܐ ܥܸܕܵܢܵܐ ܩܵܐ ܕܡܕܲܒܪܝܼܬܘܿܢ ܠܗܘܿܢ ܪܸܓܼܫܹܐ ܡܲܥܝܸܩܵܢܹܐ ܕܓܵܢܵܘܟܼܘܿܢ ܘܡܲܢܝܸܚܝܼܬܘܿܢ ܠܹܗ ܦܲܓܼܪܵܘܟܼܘܿܢ. ܡܵܨܝܼܬܘܿܢ ܥܵܒܼܕܝܼܬܘܿܢ ܠܹܗ ܐܵܗܵܐ ܢܘܼܦܵܩܵܐ ܘܐܲܚܬܘܿܢ ܝܬܝܼܒܼܹܐ ܝܲܢ ܫܛܝܼܚܹܐ.

ܐ݉ܬܹܝܡܘܼܢ ܫܵܪܲܚ. ܫܲܪܹܝܡܘܼܢ ܒܡܲܬܲܒܼܬܵܐ ܕܒܵܠܵܐ ܥܲܠ ܢܲܦܲܣܵܘܟܼܘܿܢ ܟܲܕ ܒܸܫܩܵܠܵܐ ܝܬܘܿܢ ܢܲܦܲܣ ܒܐܘܼܪܚܵܐ ܕܢܲܚܝܼܪܵܘܟܼܘܿܢ ܘܪܲܦܘܼܝܹܐ ܝܬܘܿܢ ܒܐܘܼܪܚܵܐ ܕܦܘܼܡܵܘܟܼܘܿܢ. ܒܒܲܣܝܼܡܘܼܬܵܐ ܩܲܢܛܪܸܢܘܼܢ ܒܵܠܵܘܟܼܘܿܢ ܥܲܠ ܪܸܟܼܢܵܐ ܟܝܵܢܵܝܵܐ ܡܲܫܠܸܝܵܢܵܐ ܕܢܲܦܲܣܵܘܟܼܘܿܢ

ܗܵܕܝܼܵܐ ܡܲܦܬܸܠܘܼܢ ܠܹܗ ܒܵܠܵܘܟܼܘܿܢ ܠܫܵܩܵܘܟ݂ܘܿܢ. ܕܵܐܟܼܝܼ ܝܢܵܐ ܒܸܪܓܼܵܫܵܐ؟ ܨܲܠܡܸܢܘܼܢ ܟܠܵܗܿ ܚܠܝܼܨܘܼܬܵܐ ܓܵܘ ܕܫܵܩܵܘܟܼܘܿܢ ܒܸܫܦܵܟܼܵܐ ܒܒܲܣܝܼܡܘܼܬܵܐ ܠܒܼܲܕܲܪ ܡܼܢ ܦܲܓܼܪܵܘܟܼܘܿܢ ܠܓܵܘ ܐܲܪܥܵܐ ܘܒܸܪܚܵܫܵܐ ܪܸܚܩܵܐ. ܟܲܕ ܐܲܚܬܘܿܢ ܒܸܫܩܵܠܵܐ ܢܲܦܲܣ، ܓ̰ܲܪܒܘܼܢ ܕܚܵܠܨܝܼܬܘܿܢ ܠܗܘܿܢ ܥܲܨܲܠܝܵܬܹܐ ܕܫܵܩܵܘܟ݂ܘܿܢ ܐܲܚܟ̰ܝܼ ܚܲܕܟ̰ܵܐ. ܐ݉ܬܹܝܡܘܼܢ ܫܵܩܠܲܚ ܢܲܦܲܣ، ܘܟܲܕ ܐܲܚܬܘܿܢ ܪܲܦܘܼܝܹܐ ܢܲܦܲܣ ܠܒܼܲܕܲܕ، ܡܲܢܝܸܚܘܼܢ ܠܗܘܿܢ ܥܲܨܲܠܝܵܬܹܐ ܕܫܵܩܵܘܟ݂ܘܿܢ ܡܲܪܦܹܝܡܘܼܢ ܠܗܘܿܢ. ܘܟܲܕ ܐܲܚܬܘܿܢ ܒܸܫܩܵܠܵܐ ܢܲܦܲܣ، ܡܲܬܒܼܘܼܢ ܒܵܠܵܐ ܥܲܠ ܚܠܝܼܨܘܼܬܵܐ. ܘܟܲܕ ܐܲܚܬܘܿܢ ܪܲܦܘܼܝܹܐ ܢܲܦܲܣ، ܡܲܪܦܹܝܡܘܼܢ ܠܵܗܿ ܚܠܝܼܨܘܼܬܵܐ ܘܪܓܼܘܿܫܘܼܢ ܒܡܲܢܝܲܚܬܵܐ ܕܫܵܩܵܘܟ݂ܘܿܢ.

ܐ݉ܬܹܝܡܘܼܢ ܫܲܢܲܚ ܠܣܲܗܡܵܐ ܥܸܠܵܝܵܐ ܕܦܲܓܼܪܵܐ، ܗܲܠ ܪܸܦ̮ܫܵܢܵܘܟܼܘܿܢ.  ܒܸܡܪܵܟ̰ܲܝܗܝ ܝܬܘܿܢ ܠܥܸܠܸܠ؟ ܓ̰ܲܪܒܘܼܢ ܕܵܒܼܩܝܼܬܘܿܢ ܠܗܘܿܢ ܪܸܦ̮ܫܵܢܵܘܟܼܘܿܢ، ܘܓܵܪܫܝܼܬܘܿܢ ܠܗܘܿܢ ܥܸܠܸܠ ܘܟܲܕ ܐܲܚܬܘܿܢ ܒܸܫܩܵܠܵܐ ܢܲܦܲܣ. ܟܲܕ ܐܲܚܬܘܿܢ ܪܲܦܘܼܝܹܐ ܢܲܦܲܣ، ܪܓܼܘܿܫܘܼܢ ܒܥܲܨܲܠܝܵܬܹܐ ܕܪܸܦ̮ܫܵܘܟ݂ܘܿܢ ܡܲܢܝܘܼܚܹܐ ܟܲܕ ܥܝܼܩܘܼܬܵܐ ܕܢܲܦ̮ܫܵܐ ܒܸܦܠܵܛܵܐ ܘܒܸܪܚܵܫܵܐ ܡܼܢ ܦܲܓܼܪܵܘܟܼܘܿܢ ܥܲܡ ܟܠ ܪܲܦܲܝܬܵܐ ܕܢܲܦܲܣ. ܟܲܕ ܐܲܚܬܘܿܢ ܪܲܦܘܼܝܹܐ ܢܲܦܲܣ، ܫܒܼܘܿܩܘܼܢ ܟܠܵܗܿ ܥܝܼܩܘܼܬܵܐ ܕܢܲܦ̮ܫܵܐ ܐܵܙܵ ܠ݉ܐ.

ܗܵܕܝܼܵܐ ܠܪܼܫܵܢܹܐ ܕܨܸܒܥܵܬܹܐ ܕܐܝܼܕܵܘܟ݂ܘܿܢ. ܩܲܢܛܪܸܢܘܼܢ ܒܵܠܵܘܟܼܘܿܢ ܥܲܠ ܚܠܝܼܨܘܼܬܵܐ ܦܝܼܫܬܵܐ ܬܵܡܵܐ ܘܫܒܼܘܿܩܘܼܢ ܠܵܗܿ ܐܵܣܠ݉ܩܵܐ ܘܦܵܠܛܵܐ ܡܼܢ ܦܲܓܼܪܵܘܟܼܘܿܢ ܒܐܘܼܪܚܵܐ ܕܐܝܼܕܵܘܟܼܘܿܢ. ܐܘܼܪܸܟܝܵܬܵܘܟܼܘܿܢ، ܕܪܲܥܢܵܢܵܘܟܼܘܿܢ، ܩܘܼܪܨܘܼܠܝܵܬܹܐ ܒܐܘܼܪܚܵܐ ܕܪܸܦ̮ܫܵܘܟܼܘܿܢ. ܘܐ݉ܚܵܪܵܝܬܵܐ ܟܠܵܗܿ ܐܘܼܪܚܵܐ ܐܸܠܬܸܚܬ ܕܦܲܓܼܪܵܘܟܼܘܿܢ ܗܲܠ ܐܲܪܥܵܐ. ܪܲܦܹܝܡܘܼܢ ܢܲܦܲܣ ܘܫܒܼܘܿܩܘܼܢ ܠܵܗܿ ܟܠܵܗܿ ܚܠܝܼܨܘܼܬܵܐ ܕܐܵܙܵܠ݉ܐ.

ܗܵܕܝܼܵܐ ܫܲܢܹܝܡܘܼܢ ܠܵܗܿ ܩܲܢܛܪܲܢܬܵܐ ܕܒܵܠܵܘܟܼܘܿܢ ܠܐܲܝܢܝܼ ܚܠܝܼܨܘܼܬܵܐ ܕܐܝܼܬ ܓܵܘ ܪܹܫܵܘܟܼܘܿܢ، ܩܕܵܠܵܘܟܼܘܿܢ ܘܩܸܨܵܘܟܼܘܿܢ. ܫܒܼܘܿܩܘܼܢ ܠܗܘܿܢ ܡܲܢܝܸܚܝܼ ܥܲܡ ܟܠ ܢܲܦܲܣ. ܨܲܠܡܸܢܘܼܢ ܠܚܠܝܼܨܘܼܬܵܐ ܒܸܓ̰ܪܵܝܵܐ ܐܸܠܬܸܚܬ ܓܵܘ ܨܲܕܪܵܘܟܼܘܿܢ، ܟܲܪ݉ܣܵܘܟܼܘܿܢ، ܚܲܨܵܘܟܼܘܿܢ ܘܟܠܵܗܿ ܐܘܼܪܚܵܐ ܐܸܠܬܸܚܬ ܓܵܘ ܫܵܩܵܘܟ݂ܘܿܢ ܘܠܓܵܘ ܐܲܪܥܵܐ.

ܒܚܘܼܬܵܡܵܐ، ܩܲܢܛܪܸܢܘܼܢ ܠܹܗ ܒܵܠܵܘܟܼܘܿܢ ܥܲܠ ܟܠܹܗ ܦܲܓܼܪܵܘܟܼܘܿܢ. ܟܠ ܥܸܕܵܢܵܐ ܕܫܵܩܠܝܼܬܘܿܢ ܚܲܕ ܢܲܦܲܣ، ܬܲܚܡܸܢܘܼܢ ܒܘܼܬ ܚܲܒܪܵܐ ܕ ‘ܡܲܢܝܸܚܘܼܢ’. ܝܲܢ ܐܸܢ ܗܿܘ ܡܸܢܕܝܼ ܠܵܐ ܝܠܹܗ ܠܚܝܼܡܵܐ ܩܵܐܠܵܘܟܼܘܿܢ، ܓ̰ܲܪܒܘܼܢ ܠܚܲܒܪܵܐ ܕ ‘ܫܸܠܝܘܼܬܵܐ’ ܝܲܢ ‘ܡܲܫܠܸܝܵܢܵܐ’. ܪܓܼܘܿܫܘܼܢ ܒܦܲܓܼܪܵܘܟܼܘܿܢ ܒܸܫܒܼܵܩܵܐ ܕܚܠܝܼܨܘܼܬܵܐ ܐܵܙܵܠ݉ܐ ܥܲܡ ܟܠ ܢܲܦܲܣ ܕܫܵܩܠܝܼܬܘܿܢ ܠܵܗܿ. ܫܒܼܘܿܩܘܼܢ ܠܲܢ ܩܲܢܛܪܸܢܲܚ ܒܵܠܲܢ ܥܲܠ ܟܠܹܗ ܦܲܓܼܪܵܘܟܼܘܿܢ ܘܚܲܒܪܵܘܟܼܘܿܢ ܡܲܫܠܸܝܵܢܵܐ ܩܵܐ ܚܲܕܟܡܵܐ ܫܩܵܠܝܵܬܹܐ ܕܢܲܦܲܣ.

ܓܵܗܵܐ ܐ݉ܚܵܪܵܝܬܵܐ. ܐ݉ܬܹܝܡܘܼܢ ܦܲܪܩܲܚ ܠܹܗ ܐܵܗܵܐ ܢܘܼܦܵܩܵܐ ܥܲܡ ܚܲܕܟܡܵܐ ܫܩܵܠܝܵܬܹܐ ܕܢܲܦܲܣ ܓܘܼܒܼܪܹܐ، ܘܥܲܡܘܼܩܹܐ ܕܟܲܪ݉ܣܵܐ ܘܡܬܵܚܝܵܬܹܐ ܕܗܲܕܵܡܹܐ ܕܦܲܓܼܪܵܐ. ܡܲܓ̰ܘܸܓ̰ܘܼܢ ܠܗܘܿܢ ܨܸܒܥܵܬܹܐ ܕܐܲܩܠܵܘܟܼܘܿܢ. ܢܝܼܚܵܐ ܢܝܼܚܵܐ ܡܬܘܿܚܘܼܢ ܠܗܘܿܢ ܨܸܒܥܵܬܹܐ ܕܐܝܼܕܵܘܟܼܘܿܢ، ܐܘܼܪܸܟܝܵܬܵܘܟܼܘܿܢ، ܕܪܵܥܢܵܢܵܘܟܼܘܿܢ، ܘܪܸܦ̮ܫܵܢܵܘܟܼܘܿܢ. ܡܲܬܒܼܘܼܢ ܒܵܠܵܐ ܗܵܕܝܼܵܐ ܕܵܐܟܼܝܼ ܠܹܗ ܦܲܓܼܪܵܘܟܼܘܿܢ ܒܸܪܓܼܵܫܵܐ ܡܘܼܕܒ݂ܸܩܵܐ ܥܲܡ ܗܿܝܓܵܗ݉ܐ ܕܫܘܼܪܹܐܠܲܢ. ܗܲܒܼܠܗܘܿܢ ܦܣܵܣܵܐ ܩܵܐ ܓܵܢܵܘܟܼܘܿܢ ܕܛܵܥܢܝܼܬܘܿܢ ܡܸܢܬܵܐ ܡܼܢ ܦܲܓܼܪܵܘܟܼܘܿܢ، ܗܲܪ ܐܲܝܟܼ ܕܦܲܓܼܪܵܘܟܼܘܿܢ ܒܸܪܓܼܵܫܵܐ ܝܠܹܗ ܒܛܥܵܢܬܵܐ ܕܡܸܢܬܵܐ  ܡܸܢܵܘܟ݂ܘܿܢ ܩܵܐ ܡܲܬܲܒܼܬܵܐ ܕܒܵܠܵܐ، ܡܲܟܝܼܟܼܘܼܬܵܐ ܘܡܲܣܲܡܬܵܐ ܕܒܵܠܵܐ ܕܗܵܕܝܼܵܐ ܩܲܡ ܝܵܗܒܼܝܼܬܘܿܢ ܠܵܗܿ  ܩܵܐܠܹܗ. ܐܝܼܡܲܢ ܕܒܸܪܓܼܵܫܵܐ ܝܬܘܿܢ ܕܗܵܙܹܪ ܝܼܬܘܿܢ ܕܟܵܠܝܼܬܘܿܢ ܥܲܠ ܐܲܩܠܵܘܟ݂ܘܿܢ  ܘܓ̰ܵܘܓ̰ܝܼܬܘܿܢ، ܒܲܠܟܵܐ ܡܲܚܸܒܝܼܬܘܿܢ ܕܫܵܬܝܼܬܘܿܢ ܚܲܕ ܟܵܣܵܐ ܕܡܲܝܵܐ ܝܲܢ ܐܵܟܼܠܝܼܬܘܿܢ ܚܲܕ ܡܸܢܕܝܼ ܩܲܠܘܼܠܵܐ. ܕܟܼܘܿܪܘܼܢ، ܡܵܨܝܼܬܘܿܢ ܕܵܥܪܝܼܬܘܿܢ ܠܫܩܵܠܬܵܐ ܕܢܲܦܲܣܵܘܟܼܘܿܢ ܘܡܫܵܚܬܵܐ ܕܦܲܓܼܪܵܘܟܼܘܿܢ ܒܟܠ ܥܸܕܵܢܵܐ ܕܗܵܘܝܵܐ ܓܵܘ ܝܵܘܡܵܐ، ܝܲܢ ܥܵܒ݂ܕܝܼܬܘܿܢ ܠܐܵܗܵܐ ܢܘܼܦܵܩܵܐ ܚܕܵܐ ܓܵܗܵܐ ܐ݉ܚܹܪ݉ܬܵܐ. ܥܒܼܘܿܕܘܼܢ ܠܹܗ ܟܡܵܐ ܓܵܗܹܐ ܕܣܢܝܼܩܹܐ ܝܬܘܿܢ ܠܥܒܼܵܕܹܗ. ܐܸܢ ܡܲܚܘܼܒܹܐ ܝܬܘܿܢ ܕܝܵܠܦܝܼܬܘܿܢ ܒܘܼܫ ܙܵܘܕܵܐ ܒܘܼܬ ܢܘܼܦܵܩܹܐ ܕܡܕܲܒܪܵܢܘܼܬܵܐ ܕܪܸܓܼܫܹܐ ܡܲܥܝܸܩܵܢܹܐ ܝܲܢ ܕܡܲܢܝܸܚܵܢܘܼܬܵܐ ܕܡܵܨܝܼܬܘܿܢ ܥܵܒܼܕܝܼܬܘܿܢ ܠܗܘܿܢ ܓܵܘ ܒܲܝܬܵܐ، ܡܵܨܝܼܬܘܿܢ ܡܲܚܒܸܪܝܼܬܘܿܢ ܩܵܐ ܚܘܼܛܵܐ ܕܗܲܝܲܪܬܵܐ ܕܦܵܢܕܵܐ (Panda helpline) ܥܲܠ ܡܸܢܝܵܢܵܐ 306 726 1300 ܩܵܐ ܕܗܲܡܙܸܡܝܼܬܘܿܢ ܒܘܼܬ ܓܘܼܒܵܝܹܐ ܦܫܝܼܛܹܐ، ܘܡܲܥܒܕܵܢܹܐ ܕܡܲܣܲܡܬܵܐ ܕܒܵܠܵܐ ܥܲܠ ܓܵܢܵܐ.

ܩܪܹܝܡܘܼܢ ܩܵܐ ܚܘܼܛܵܐ ܕܗܲܝܲܪܬܵܐ ܐܲܬܪܵܝܵܐ ܡܲܓܵܢܵܝܵܐ ܕܚܘܼܠܡܵܢܵܐ ܕܗܵܘܢܵܐ ܓܵܘ ܡܸܬܚܵܐ ܕܥܸܕܵܢܵܐ ܚܲܕܸܪܘܵܢܹܐ ܕܡܲܒܪܵܝܬܵܐ

ܬܹܠܹܦ̮ܘܿܢ 306 726 1300

ܒܝܵܘܡܵܢܹ̈ܐ ܕܬܪܹܝܒܫܲܒܵܐ ܗܲܠ ܥܪܘܼܒܼܬܵܐ ܡܼܢ ܣܵܥܲܬ 9 ܒܩܲܕܵܡܬܵܐ ܗܲܠ ܣܵܥܲܬ 7:30 ܒܪܲܡܫܵܐ ܒܥܸܕܵܢܵܐ ܪܘܼܫܡܵܝܬܵܐ ܕܡܲܕܢܚܵܐ ܕܐܘܿܣܬܪܵܠܝܵܐ \ ܒܥܸܕܵܢܵܐ ܩܲܝܛܵܝܬܵܐ ܕܡܲܕܢܚܵܐ ܕܐܘܿܣܬܪܵܠܝܵܐ

ܐܝܼܡܲܢ ܕܡܲܚܒܸܪܝܼܬܘܿܢ ܚܘܼܛܵܐ ܕܥܘܼܕܪܵܢܵܐ ܐܲܬܪܵܢܵܝܵܐ ܕܦܵܢܕܵܐ (PANDA)، ܢܩܘܿܪܘܼܢ ܥܲܠ  ܓܘܼܒܵܝܵܐ “1” ܕܫܵܒܹܩܠܲܢ ܕܝܵܕܥܸܚ ܕܣܢܝܼܩܹ̈ܐ ܝܬܘܿܢ ܠܬܲܪܓܸܡܵܢܵܐ.

ܒܸܕ ܦܵܝܫܝܼܬܘܿܢ ܡܘܿܣܒܸܪܹ̈ܐ ܗܲܠ ܕܚܲܕ݉ ܡ݂ܢ ܡܵܠܘܿܟ̈ܲܢ ܗܵܘܹܐ ܗܕܝܼܪܵܐ ܕܗܲܡܙܸܡ ܥܲܡܵܘܟ݂ܘܿܢ ܐܵܘ ܩܵܘܡܵܐ ܕܫܵܡܥܝܼܬܘܿܢ ܚܕܵܐ ܐܸܓܲܪܬܵܐ ܡܣܘܿܓ݂ܸܠܬܵܐ ܒܸܛܠܵܒܵܐ ܡܸܢܵܘܟ݂ܘܿܢ ܕܫܵܒ݂ܩܝܼܬܘܿܢ ܚܕܵܐ ܐܸܓܲܪܬܵ.

ܡܵܐ ܒܸܕ ܒܵܪܹܐ ܐܝܼܡܲܢ ܕܡܲܚܒܲܪܬܵܘܟ݂ܘܿܢ ܦܵܝܫܵܐ ܡܓ̰ܘܿܘܸܒܬܵܐ:

ܡܲܚܒܲܪܬܵܘܟ݂ܘܿܢ ܒܸܕ ܦܵܝܫܵܐ ܡܓ̰ܘܿܘܸܒܬܵܐ ܒܚܲܕ݉ ܡܵܠܘܿܟ݂ܵܐ ܗܲܡܙܸܡܵܢܵܐ ܒܠܸܫܵܢܵܐ ܐܸܢܓܠܝܼܣܵܝܵܐ. ܒܸܕ ܣܵܢܩܸܚ ܕܝܵܕܥܸܚ ܒܘܼܕ ܠܸܫܵܢܵܐ ܡܓܘܿܒܝܵܐ –ܠܵܐ ܝܬܘܿܢ ܣܢܝܼܩܹ̈ܐ ܕܗܲܡܙܸܡܝܼܬܘܿܢ ܠܸܫܵܢܵܐ ܐܸܢܓܠܝܼܣܵܝܵܐ ܫܒ݂ܘܿܩ ܡ݂ܢ ܕܡܲܝܕܥܝܼܬܘܿܢ ܩܵܐ ܡܵܠܘܿܟ݂ܵܐ ܒܘܼܕ ܠܸܫܵܢܵܘܟ݂ܘܿܢ ܡܓܘܿܒܝܵܐ.

ܦܵܢܕܵܐ (PANDA) ܒܸܕ ܡܲܪܝܸܙܵܐ ܚܲܕ݉ ܬܲܪܓܸܡܵܢܵܐ ܘܐܝܼܡܲܢ ܐܝܼܬ ܚܲܕ݉ ܗܕܝܼܪܵܐ، ܒܸܕ ܫܲܪܹܝܚ ܬܲܥܒܲܕܬܵܐ ܕܡܥܲܕܲܪܬܵܘܟ݂ܘܿܢ.

ܐܸܢ ܠܲܝܬ ܚܲܕ݉ ܬܲܪܓܸܡܵܢܵܐ ܗܕܝܼܪܵܐ، ܒܸܕ ܕܵܥܪܸܚ ܡܲܚܒܸܪܸܚܠܵܘܟ݂ܘܿܢ.

ܕܵܐܟ݂ܝܼ ܫܵܒ݂ܩܝܼܬܘܿܢ ܚܕܵܐ ܐܸܓܲܪܬܵܐ:

ܫܒ݂ܘܿܩܘܼܢ ܚܕܵܐ ܐܸܓܲܪܬܵܐ ܐ ܒܗ̇ܝ ܕܐܵܗܵܐ ܒܸܕ ܕܵܒ݂ܩܵܐ ܠܹܗ ܫܵܘܦܵܘܟ݂ܘܿܢ ܓܵܘ ܣܸܕܪܵܐ ܕܢܵܘܒܵܐ. ܠܵܐ ܝܬܘܿܢ ܣܢܝܼܩܹ̈ܐ ܕܕܵܥܪܝܼܬܘܿܢ ܡܲܚܒܸܪܝܼܬܘܿܢ ܚܕܵܐ ܓܵܗܵܐ ܐ݇ܚܪܹܬܵܐ ، ܚܲܕ݉ ܡ݂ܢ ܡܵܠܘܿܟ݂̈ܲܢ ܒܸܕ ܡܲܚܒܸܪܵܠܵܘܟ݂ܘܿܢ.

ܐܸܢ ܒܵܣܡܵܐ ܠܵܘܟ݂ܘܿܢ ܫܒ݂ܘܿܩܘܼܢ ܫܸܡܵܘܟ݂ܘܿܢ، ܪܲܩܡܵܐ ܕܬܹܠܝܼܦ̮ܵܘܢܵܘܟ݂ܘܿܢ، ܐܘܼܚܕܵܢܵܐ ܘܠܸܫܵܢܵܐ. ܒܸܕ ܕܵܥܪܸܚ ܡܲܚܒܸܪܸܚܠܵܘܟ݂ܘܿܢ ܥܲܡ ܚܲܕ݉ ܬܲܪܓܸܡܵܢܵܐ.

ܐܸܢ ܣܢܝܼܩܹ̈ܐ ܝܬܘܿܢ ܠܥܘܼܕܪܵܢܵܐ ܥܪܝܼܨܵܝܵܐ

ܡܲܚܒܸܪܘܼܢ ܠܬܠܵܬܵܐ ܨܝܼܦܵܪܹ̈ܐ (000) ܐܵܘ ܡܦܲܪܢܣܵܢܘܼܬܵܐ ܕܥܪܝܼܨܘܼܬܵܐ ܓܵܘ ܒܹܝܬ ܟܪ̈ܝܼܗܹܐ ܡܲܗܲܠܵܝܵܐ.

ܐܸܢ ܣܢܝܼܩܹ̈ܐ ܝܬܘܿܢ ܠܥܘܼܕܪܵܢܵܐ ܠܒܲܕܲܪ ܡ݂ܢ ܣܵܥܲܬܹ̈ܐ ܕܦܘܼܠܚܵܢܵܐ ܕܚܘܼܛܵܐ ܕܥܘܼܕܪܵܢܵܐ ܕܦܵܢܕܵܐ (PANDA)، ܡܲܚܒܸܪܘܼܢ ܩܵܐ ܠܵܝܦ̮ܠܵܝܢ ܥܲܠ ܡܸܢܝܵܢܵܐ 14 11 13.